[Rety del Rey]

hä
wieso isch da jedi strass verbarrikadiert
u jedä juflet ume so pressiert
gp gp gp ah wieder mau
gp gp gp aah

verse I

ja
einisch im jahr isch dr gp churz vorem
schtart muesi drümau ufds wc du kennsches
mitm nüni tram bis a start äs isch
drissg grad heiss und i loufemi warm ah

bi ke jogger nei i bi löifer
geng am trainiere drum wotti hür töifer
mitr zyt i bi fit i bi gsung
läbestroum gp ungerere schtung

im chegu vodr sunnä montieri di
nummrä vater morgana pumpt usdä
grossä boxä i bi unger strom wines
ross idr box i wot los bi im erschtä

block countdown pischärä start
düse gad ab düre staudä id stadt
hurti ga chehre u när abe dürd mattä d
bei si no früsch hüt chönnt aues klappä


[¥ung Stapi]

ds huere rennä ds isch nüt für mi
mir wird nach füüf minutä längwilig dir kennet mi
dir schtuunet iz doch i bi nie ä grossä löifer gsi
wüu ig bine fuuli sou merksch ds eiglech nid

ma nid ga pumpe im gym mit öich affä machä
angeri sachä o nid gärn wi zum bischpiu schaffä
öbimi drbii guet füehle mmm s geit so
yung stapi aka mc couch potato

i tue nid renne tue lieber spaziere
im gärtli umehange dürd autstadt flaniere
pressiere tueni us prinzip nid dir gigle bi
geborä zum gniesse aber sicher nid zum liidä ah


verse II

[Rety del Rey]

d stadt isch ä zoo winä ä schlange am schlänglä
paparazzi bim dalmazi i probiere z
lächlä fuck bi nid parat gsi sone löu
nächär z fescht gas gä im wäudli vom däuhöu

zli ds isch d höu gsi puls isch am limit
tuusegi lüt motiviere mi spirit
fau wine geischt mitärä drüdrissger pace überd
monbijoubrügg d sunnä drückt huere heiss ah

i füelemi komisch drinks iso
tonisch vater morgana ikonisch dr
ton isch aues wo zeut i wot ga nur no
hurti zum münschter när d autstadt z dürab i muess

ga das isch mis bärn mini stadt mini
lungä nur no dr staudä när hani
gwunnä biege umd kurvä när lärm
gp vo bärn di hani gärn


[¥ung Stapi]

wo isch dä siech iz wieder häregrennt
ghetzt wi uf dr flucht doch är isch innocent
äs git chum öpper wo ihn no nid kennt idä
gassä vo bärn isch är omnipresent ah

ufe uf di hügle abe i di täler
jede tritt sitzt bro är macht keni fähler
wener mau sitzt ja de sicher nid lang
nie blibe schtah är isch schturm und drang


[Rety del Rey]

rety del rey u du weisch wser meint wener
seit dser geit u är git aus
yung stapis är faht izä a mit trainiere dr
gp isch scho gly är muess langsam pressiere fuck


reprise

im chegu vodr sunnä montieri di
nummrä vater morgana pumpt usdä
grossä boxä i bi ungers strom wines
ross idr box i wot los bi im erschte

block das isch mis bärn mini stadt mini
lungä nur no dr staudä när hani
gwunnä biege umd kurvä när lärm
gp vo bärn di hani gärn