verse I

[Rety del Rey]

jaa i
bruche kes tram neii i bruche ke böss
bruche ke messias wo mi sägnet und erlöst
bruche nur teer unger mine sohlä u hoffä uf
sunnä u pumpe ds teer us mire lungä ufä ah

bi ke jogger nei i bi löifer
nei bi ke tschugger dir dealer u chöifer
abr hey i wär ä guete kurier
zieh schnäu verbii unverdächtig fürd schmier

i träiie mini rundä wid bullä umd
hauä amplä uf rot nid ahautä ds
gfautmer wirdä geng besser im auter
früecher ä roupä hüt fly wine fautär nid

abchautä äs isch summer und heiss i
tropfe vor schweiss mitr stadt wirdi eis und i
füele di stadt wine blindä suge aues
uf wine bindä vrschwindä


[¥ung $tapi]

ds huere rennä ds isch nüt für mi
mir wird nach füüf minutä längwilig dir kennet mi
dir schtuunet iz doch i bi nie ä grossä löifer gsi
wüu ig bine fuuli sou merksch ds eiglech nid

ma nid ga pumpe im gym mit öich affä machä
angeri sachä o nid gärn wi zum bischpiu schaffä
öbimi drbii guet füehle mmm s geit so
yung stapi aka mc couch potato

i tue nid renne tue lieber spaziere
im gärtli umehange dürd autstadt flaniere
pressiere tueni us prinzip nid dir gigle bi
geborä zum gniesse aber sicher nid zum liidä


verse II

[Rety del Rey]

d stadt isch ä zoo gseh ä schlangä vordr gela
d lüt ufem striich wines fääli vomne zebra
d rattä vor stadt trinke auk usem tetra
triffe x lüt lösemiuf wi augebra

büffuherde pumpe bim marzili
froue chugufischä rüefe mir habibi
fürnes feature würdi jederzyt zum lo rennä
mit ihm chly ga schribä i di lorraine ah

im chegu vodr sunnä odr vodr
lampä amplä uf rot nid ahautä ds
gfautmär das isch bärn mini stadt mini
lungä hüt bini dunge bir schweue am


zeue rundi um rundi uf bahn
puls anärob pumpt bis zum alarm
u di stadt si wird heiss wi dr brei u du
gseschmi vo hinge im breitsch


[¥ung $tapi]

wo isch dä siech iz wieder häregrennt
ghetzt wi uf dr flucht doch är isch innocent
äs git chum öpper wo ihn no nid kennt idä
gassä vo bärn isch är omnipresent ah

ufe uf di hügle abe i di täler
jede tritt sitzt bro är macht keni fähler
wener mau sitzt ja de sicher nid lang
nie blibe schtah är isch schturm und drang

rety del rey bialetti ufem ranzä
frisst keni tier sondern nume pflanzä
chunnt är ine club fö aui afa tanzä
haubi sache gits nid är geit geng ufds ganzä

reprise

im chegu vodr sunnä odr vodr
lampä amplä uf rot nid ahautä ds
gfautmär das isch bärn mini stadt mini
lungä hüt bini dunge bir schweue am

zeue rundi um rundi uf bahn
puls anärob pumpt bis zum alarm
u di stadt si wird heiss wi dr brei u du
gseschmi vo hinge im breitsch